© Photo: SS0 / Darko Stojanovic
Aqtóbe oblysynyń dárigerleri Býrabaidaǵy saýyqtyrý ortalyǵynda kóz jumǵan jasóspirimniń eshqandai onkologiialyq aýrýy bolmaǵanyn málimdedi, dep habarlaidy Sputnik Qazaqstan KTK-ǵa silteme jasap.
11 qańtarda politsiiaǵa "Býrabai" saýyqtyrý ortalyǵynda 14 jastaǵy balanyń qaitys bolǵany týraly habar túsken. Jasóspirim túnde ishi aýyryp turǵanyn aitqan. Tańǵa qarai syrqaty kúsheiip, lagerdiń meditsinalyq bólimine júgingen. Jedel járdem shaqyryldy. Alaida bala feldsherler kelgenge deiin qaitys bolǵan. Marqum Aqtóbe oblysynan demalýǵa kelgen.
Balany tekserý kezinde zorlyq-zombylyq belgileri tabylmaǵany habarlandy. Oblystyq politsiia departamentiniń málimetinshe, jasóspirimniń ólimine anemiia sebep bolǵan. Bala jambastyń qaterli isigine shaldyqqan. Metastaza denege tarap ketken kórinedi.
Alaida Aqtóbe oblysynyń dárigerleri politsiia taratqan aqparatpen kelisipe" otyr. Hromtaý aýdany aýrýhanasynyń bas dárigeri Maqsat Serǵazin jasóspirimniń lagerge deiin meditsinalyq tekseristen ótkenin aitty.
"Biz saraptama tujyrymymen múldem kelispeimiz! Onyń aǵzasynda qany az, boiynda qaterli isik bar deýi tipti durys emes. Lagerge barar aldynda tolyq tekseristen ótti. Sol kezde qaterli isiktiń belgisi baiqalatyn edi ǵoi?! Tap-taza, esh syrqat tabylmaǵan. Biz buny bulai qaldyrmaimyz", - deidi Serǵazin.
Nurdáýlet Manaptyń barlyq analizi durys bolǵan, esh jerde esepte turmaǵan. Tipti, onkologiia aýrýy da bolmapty. Alaida balanyń denesine saraptama jasaǵan Kókshetaýdaǵy mamandar marqum qaterli isikten kóz jumdy dep otyr.
