© Photo: سس0 / Darko Stojanovic
اقتٶبە وبلىسىنىڭ دەرٸگەرلەرٸ بۋرابايداعى ساۋىقتىرۋ ورتالىعىندا كٶز جۇمعان جاسٶسپٸرٸمنٸڭ ەشقانداي ونكولوگييالىق اۋرۋى بولماعانىن مەلٸمدەدٸ, دەپ حابارلايدى Sputnik قازاقستان كتك-عا سٸلتەمە جاساپ.
11 قاڭتاردا پوليتسيياعا "بۋراباي" ساۋىقتىرۋ ورتالىعىندا 14 جاستاعى بالانىڭ قايتىس بولعانى تۋرالى حابار تٷسكەن. جاسٶسپٸرٸم تٷندە ٸشٸ اۋىرىپ تۇرعانىن ايتقان. تاڭعا قاراي سىرقاتى كٷشەيٸپ, لاگەردٸڭ مەديتسينالىق بٶلٸمٸنە جٷگٸنگەن. جەدەل جەردەم شاقىرىلدى. الايدا بالا فەلدشەرلەر كەلگەنگە دەيٸن قايتىس بولعان. مارقۇم اقتٶبە وبلىسىنان دەمالۋعا كەلگەن.
بالانى تەكسەرۋ كەزٸندە زورلىق-زومبىلىق بەلگٸلەرٸ تابىلماعانى حابارلاندى. وبلىستىق پوليتسييا دەپارتامەنتٸنٸڭ مەلٸمەتٸنشە, جاسٶسپٸرٸمنٸڭ ٶلٸمٸنە انەمييا سەبەپ بولعان. بالا جامباستىڭ قاتەرلٸ ٸسٸگٸنە شالدىققان. مەتاستازا دەنەگە تاراپ كەتكەن كٶرٸنەدٸ.
الايدا اقتٶبە وبلىسىنىڭ دەرٸگەرلەرٸ پوليتسييا تاراتقان اقپاراتپەن كەلٸسٸپە" وتىر. حرومتاۋ اۋدانى اۋرۋحاناسىنىڭ باس دەرٸگەرٸ ماقسات سەرعازين جاسٶسپٸرٸمنٸڭ لاگەرگە دەيٸن مەديتسينالىق تەكسەرٸستەن ٶتكەنٸن ايتتى.
"بٸز ساراپتاما تۇجىرىمىمەن مٷلدەم كەلٸسپەيمٸز! ونىڭ اعزاسىندا قانى از, بويىندا قاتەرلٸ ٸسٸك بار دەۋٸ تٸپتٸ دۇرىس ەمەس. لاگەرگە بارار الدىندا تولىق تەكسەرٸستەن ٶتتٸ. سول كەزدە قاتەرلٸ ٸسٸكتٸڭ بەلگٸسٸ بايقالاتىن ەدٸ عوي?! تاپ-تازا, ەش سىرقات تابىلماعان. بٸز بۇنى بۇلاي قالدىرمايمىز", - دەيدٸ سەرعازين.
نۇردەۋلەت ماناپتىڭ بارلىق اناليزٸ دۇرىس بولعان, ەش جەردە ەسەپتە تۇرماعان. تٸپتٸ, ونكولوگييا اۋرۋى دا بولماپتى. الايدا بالانىڭ دەنەسٸنە ساراپتاما جاساعان كٶكشەتاۋداعى ماماندار مارقۇم قاتەرلٸ ٸسٸكتەن كٶز جۇمدى دەپ وتىر.
