QR UQK «Memlekettik tehnikalyq qyzmet» RMK-niń Kompiýterlik oqiǵalar boiynsha áreket etý qyzmeti Qazaqstan Respýblikasy aýmaǵynda internet alaiaqtardyń belsendiligi artqanyn aityp eskertedi, dep habarlaidy QazAqparat mekemeniń saityna silteme jasap.
KZ-CERT qyzmetine Qaznet segmentindegi domen ielerinen kelip túsken shaǵym kóbeiip ketken. Óitkeni olarǵa QR hosting kompaniialary atynan tómendegidei fishing eskertý hattar kele bastaǵan.
«Qurmetti domen ákimshisi! Sizge isoft.kz atynan domendi tirkeý merzimi aiaqtalǵanyn habarlaimyz. Sizge osy eskertýdi alǵan sátten bastap úsh kúntizbelik kún ishinde domendi paidalaný ýaqytyn sozdyrý úshin tólem jasaýyńyz kerek.
Tóleý
Eger kórsetilgen merzimde tólem jasalmasa, domendi iemdený quqyǵy toqtatylady. Ol domender atynyń tizbesinen óshiriledi jáne basqa tulǵalardyń tirkep alýyna qoljetimdi bolady. Bizdiń kompaniianyń qyzmetterin paidalanǵanyńyz úshin alǵys aitamyz».
Jalǵan hattar mail.ru poshta serverlerinen júrgizilgen. «Tóleý» degen batyrmany basqanda ol «Iandeks.Dengi» onlain tólem servisine ótedi.
KazNIC Qazaq jelilik aqparat ortalyǵynyń jáne qazaqstandaǵy hosting kompaniialardyń ókilderi bul aqparatty joqqa shyǵardy. Olardyń aitýynsha, kóptegen qazaqstandyq kompaniialar «Iandeks.Dengi» tólem júiesin aqy alý úshin paidalanbaidy, sonymen qatar olar bailanysý úshin @gmail.com men @mail.ru sekildi tegin servisterdi qoldanbaidy.
"Eger de sizge fishing joldama kelse, onda siltemeni basyp, oǵan ótpeńiz", dep eskertedi vedomstvodaǵylar.
