Qyzylorda oblysynda politseiler koronavirýsqa qarsy vaktsina saldyra bastady, dep habarlaidy "Ult aqparat".
Oblystyq Politsiia departamentiniń qyzmetkerleri naýryz aiynan bastap qaterli indetke qarsy ekpe qabyldai bastady. Ony uiymdastyrý sharalary oblystyq Densaýlyq saqtaý basqarmasy jáne oblystyq Sanitarlyq-epidemiologiialyq baqylaý departamenti tarapynan jasalǵan jospar negizinde júrgizilýde.
Aita keterligi, pandemiia kezeńinde oblystyq Politsiia departamentiniń 26 qyzmetkeri koronavirýs infektsiiasyn juqtyrǵan. Qazir virýsqa shaldyqqan naýqastar joq.
«Óńirde 10 naýryzdan bastap politsiia qyzmetkerlerin vaktsinalaý bastaldy. Odan buryn politsiia qyzmetkerlerimen aýdioselektorlyq rejimde aqparattyq-túsindirý jumystary júrgizildi», - dedi oblystyq Politsiia departamentiniń emhana bastyǵy Dinara Ámirseiitova.
Ekpe egý oblys ortalyǵyndaǵy №1, 3 jáne 6 emhanalarda júrgizilýde. Alǵashqy kezekte halyqpen kúndelikti tikelei bailanysta qyzmet atqaratyn ýchaskelik politseiler vaktsinalanýda. Qyzylorda oblysy Politsiia departamentiniń basshylyq quramy da ekpe saldyrdy.
«Bul – alǵashqy kezekte dárigerlermen qatar aldyńǵy shepte turatyn politseiler úshin qajetti shara. Sebebi, biz úshin jeke quramnyń qaýipsizdigi óte mańyzdy», - dedi Departament bastyǵynyń orynbasary Dáýren Ibraev.
