قىزىلوردا وبلىسىندا پوليتسەيلەر كوروناۆيرۋسقا قارسى ۆاكتسينا سالدىرا باستادى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ قىزمەتكەرلەرٸ ناۋرىز ايىنان باستاپ قاتەرلٸ ٸندەتكە قارسى ەكپە قابىلداي باستادى. ونى ۇيىمداستىرۋ شارالارى وبلىستىق دەنساۋلىق ساقتاۋ باسقارماسى جەنە وبلىستىق سانيتارلىق-ەپيدەميولوگييالىق باقىلاۋ دەپارتامەنتٸ تاراپىنان جاسالعان جوسپار نەگٸزٸندە جٷرگٸزٸلۋدە.
ايتا كەتەرلٸگٸ, پاندەمييا كەزەڭٸندە وبلىستىق پوليتسييا دەپارتامەنتٸنٸڭ 26 قىزمەتكەرٸ كوروناۆيرۋس ينفەكتسيياسىن جۇقتىرعان. قازٸر ۆيرۋسقا شالدىققان ناۋقاستار جوق.
«ٶڭٸردە 10 ناۋرىزدان باستاپ پوليتسييا قىزمەتكەرلەرٸن ۆاكتسينالاۋ باستالدى. ودان بۇرىن پوليتسييا قىزمەتكەرلەرٸمەن اۋديوسەلەكتورلىق رەجيمدە اقپاراتتىق-تٷسٸندٸرۋ جۇمىستارى جٷرگٸزٸلدٸ», - دەدٸ وبلىستىق پوليتسييا دەپارتامەنتٸنٸڭ ەمحانا باستىعى دينارا ەمٸرسەيٸتوۆا.
ەكپە ەگۋ وبلىس ورتالىعىنداعى №1, 3 جەنە 6 ەمحانالاردا جٷرگٸزٸلۋدە. العاشقى كەزەكتە حالىقپەن كٷندەلٸكتٸ تٸكەلەي بايلانىستا قىزمەت اتقاراتىن ۋچاسكەلٸك پوليتسەيلەر ۆاكتسينالانۋدا. قىزىلوردا وبلىسى پوليتسييا دەپارتامەنتٸنٸڭ باسشىلىق قۇرامى دا ەكپە سالدىردى.
«بۇل – العاشقى كەزەكتە دەرٸگەرلەرمەن قاتار الدىڭعى شەپتە تۇراتىن پوليتسەيلەر ٷشٸن قاجەتتٸ شارا. سەبەبٸ, بٸز ٷشٸن جەكە قۇرامنىڭ قاۋٸپسٸزدٸگٸ ٶتە ماڭىزدى», - دەدٸ دەپارتامەنت باستىعىنىڭ ورىنباسارى دەۋرەن يبراەۆ.
