Qyzylordalyq Turmaǵambet atyndaǵy halyq aspaptar orkestri TÚRKSOI uiymy uiymdastyrǵan túrki halyqtarynyń óner festivaline qatysyp keldi.
Esterińizge sala keteiik, 1-10 maýsym kúnderi Túrkiianyń 4 qalasynda (Kastamoný, Bolý, Aqsarai jáne Ankarada) TÚRKSOI halyqaralyq uiymynyń 25 jyldyq mereitoiy aiasynda túrki halyqtarynyń óner festivali ótti.
Orkestrdiń gastroldik baǵdarlamasy Kastamoný provintsiiasynyń Taskópir qalasynan bastaldy. Kontsertke kóptegen kórermen jinalyp, mýzykanttardyń ónerin erekshe yqylaspen qabyl aldy. Ónerpazdar halyq ánderi men Qorqyt, Qurmanǵazy jáne Álshekeidiń kúilerimen qatar klassikalyq shyǵarmalaryn da asa sheberlikpen oryndap shyqty.
Biyl TÚRKSOI sheshimimen túrki áleminiń mádeni astanasy atalǵan Kastamoný qalasy Túrkiianyń soltústik jaǵyndaǵy kóne qalalarynyń biri. Qalanyń irgetasy b.d.d. VIII ǵasyrda qalanǵan.
Bolý, Aqsarai jáne Ankara qalalaryndaǵy kontsertter anshlagpen ótti.
«TÚRKSOI uiymynyń atynan orkestr mýzykanttaryna tamasha kontserttik baǵdarlama men keremet oryndaý úshin alǵys aitqym keledi. Qyzylordalyq halyq aspaptar orkestriniń festivalimizge qatysqany beker emes, óitkeni Syr eli-jyr eli qaitalanbas talant ielerine bai ekenin bárimiz de jaqsy bilemiz», - dedi TÚRKSOI-daǵy Qazaqstannyń ókili Asqar Turǵanbaev.
Atap óteiik, orkestrdyń bas dirijeri Keýlimjai Botabaev pen Qazaqstan Respýblikasy Memlekettik akademiialyq simfoniialyq orkestri men N.Tilendiev atyndaǵy «Otyrar sazy» akademiialyq folklorlyq-etnografiialyq orkestriniń dirijeri Músilim Ámzeniń basqarýymen ótti.
Turmaǵambet atyndaǵy orkestr 2007 jyly tanymal aqyn-jyraý Turmaǵambet Iztileýovtiń 125 jyldyǵyna arnalǵan merekelik sharalar aiasynda oblystyq filarmoniia janynan qurylǵan. Quramynda 60 shaqty mýzykant jumys isteidi. Ujymmen orkestr bas dirijeri Keýlimjai Botabaev pen dirijer Kúldara Izbanova jumys isteidi. Kórkemdik jetekshisi – Samat Abylaev.
Orkestr repertýarynda 400 astam halyq ánderi men kúileri, sondai-aq, Qorqyt, Qurmanǵazy, Dina, Qazańǵap, Shal Myrza, Bekpembet, Álshekei, Jaldybai, Dosjan, Tólegen jáne ózge de qazaqstandyq jáne jergilikti kompozitorlardyń shyǵarmalary bar.
