Qyzylordalyq qutqarýshylar Túrkistan oblysyndaǵy topan sý basqan Maqtaaral óńirine kómekke attandy, dep habarlaidy "Ult aqparat".
Qyzylordalyq jedel-qutqarý jasaǵynyń qutqarýshylary osylaisha túrkistandyq áriptesterine qol ushyn sozady. Oǵan oblystyq tótenshe jaǵdailar departamentiniń bastyǵy Omar Berjanov jáne órt sóndirý qyzmetiniń bastyǵy Nursultan Ibragimov basshylyq jasaityn bolady.
Odan bólek oblys garnizonynan órt sóndirýshiler de ońtústik aimaqqa qural-saimandarmen jáne qosalqy múliktermen jolǵa shyqty. Toptyń avtonomdy túrde jumys júrgizý úshin 14 táýlikke negizdelgen azyq-túlik jáne janar-jaǵarmai qory taǵy bar.
«Búginde departament basshylyǵy sý tasqyny qaýpi bar aimaqdaǵy áriptesterimen tyǵyz bailanysta otyr. Olardyń málimdemesi boiynsha, jergilikti atqarýshy organdar men múddeli memlekettik organdar sý tasqynyn boldyrmaýǵa jáne halyqqa kómek kórsetýge baǵyttalǵan is-sharalar kesheni júrgizip jatyr. Maqtaral óńirine tótenshe jaǵdailar departamentiniń 45 qyzmetkeri 7 avtokólik pen 10 sý sorý motopompa men 4 motorly qaiyqpen attanyp ketti», - dep málim etti Qyzylorda oblysy tótenshe jaǵdailar departamentiniń órt sóndirý jáne avariialyq qutqarý qyzmeti.
