Qyzylorda oblysy kásipkerler palatasynyń alańynda óńir qurylysshylarymen kezdesý ótti.
Palata direktory Ǵalymbek Jaqsylyqov aýa-raiynyń aptaby men aiazyna qaramai, qurylysshylardyń atqarǵan adal eńbekteriniń arqasynda jyldan jylǵa qala men eldi mekenderdiń sáýletine sáýlet qosylyp jatqandyǵyn, óńirimizde zamanaýi talaptarǵa sai salynǵan qurylys keshenderi artqandyǵyn aita otyryp, sala mamandaryn kásibi merekesimen quttyqtady, alǵysyn bildirdi.
Budan ári kezek marapatqa berildi. Nazarlaryńyzǵa marapattalǵan azamattardy usynamyz:
- «Atameken» UKP–nyń III dárejeli «Isine adaldyǵy úshin» medalimen «Meliorator» JShS direktory Myhanov Berdibek Sartaiuly;
- QR Investitsiialar jáne damý ministrliginiń «Qurmetti qurylysshy» tósbelgisimen «T-T Qurylys servis» JShS direktory Bisembaev Temir Aldajumauly;
- QR Investitsiialar jáne damý ministrliginiń «Qurmetti qurylysshy» tósbelgisimen «SK «Daneker» JShS-niń tas qalaýshysy Jansaqalov Hamit Almaǵambetuly;
- QR Investitsiialar jáne damý ministrliginiń «Turǵyn úi-kommýnaldyq sharýashylyǵynyń qurmetti qyzmetkeri» tósbelgisimen «Shapaǵat» páter ieleri kooperativiniń tóraiymy, «Barsha jáne K» JShS quryltaishysy Shahanova Qurbankúl Andaqulqyzy;
- Qyzylorda oblysy kásipkerler palatasynyń alǵys hatymen «QazQurylys Servis» JShS bas direktory Seitmuratov Aidarbek Eshtaiuly, «Asar» JShS-niń qurylys jónindegi direktorynyń orynbasary Qurymbekov Bahytjan Amanbekuly, «Abý-Ser» JShS direktory Abýbakirov Ibragim Serikbaiuly marapattaldy.
Aita ketý kerek, biylǵy jyldyń ózinde oblysta jalpy quny 27,6 mlrd.teńgeni quraityn 42 áleýmettik nysannyń qurylysy júrgizilýde.
