Foto: © astanatv.kz
Qyzylorda oblysynyń muǵalimderi Túrkiiadaǵy demalystan keiin jumyssyz qaldy, - dep habarlaidy "Ult aqparat" Sputnik Qazaqstan saityna silteme jasap.
BAQ jazǵandai, qysqy demalysyn Túrkiiada ótkizgen muǵalimder transvestitterge arnalǵan túngi klýbqa baryp, ol týraly áleýmettik jelilerde video jariialaǵan.
Jelidegi shýdan keiin olar jumystan shyǵaryldy. Bul sheshimdi Oqý-aǵartý ministrligi Bilim berý salasyndaǵy sapany qamtamasyz etý komitetiniń basshysy Ernur Dáýenov túsindirdi.
Ol etikalyq normalardy saqtaý muǵalimderdiń minez-qulqy men is-áreketiniń qalypty sipaty bolýy kerektigin aitty.
"Qysqy kanikýlda Túrkiiadaǵy túngi klýbta demalyp jatqan Qyzylorda oblysynyń eki muǵaliminiń áleýmettik jelide jariialaǵan videolary ata-analar qaýymynyń narazylyǵyn týdyrdy. Muǵalimder jumystan bosatyldy", - dep túsindirdi ol.
Dáýenov sondai-aq barsha ustazdy moraldik-adamgershilik qundylyqtar talabyna sai bolýǵa shaqyrdy.
