فوتو: © astanatv.kz
قىزىلوردا وبلىسىنىڭ مۇعالٸمدەرٸ تٷركيياداعى دەمالىستان كەيٸن جۇمىسسىز قالدى, - دەپ حابارلايدى "ۇلت اقپارات" Sputnik قازاقستان سايتىنا سٸلتەمە جاساپ.
باق جازعانداي, قىسقى دەمالىسىن تٷركييادا ٶتكٸزگەن مۇعالٸمدەر ترانسۆەستيتتەرگە ارنالعان تٷنگٸ كلۋبقا بارىپ, ول تۋرالى ەلەۋمەتتٸك جەلٸلەردە ۆيدەو جارييالاعان.
جەلٸدەگٸ شۋدان كەيٸن ولار جۇمىستان شىعارىلدى. بۇل شەشٸمدٸ وقۋ-اعارتۋ مينيسترلٸگٸ بٸلٸم بەرۋ سالاسىنداعى ساپانى قامتاماسىز ەتۋ كوميتەتٸنٸڭ باسشىسى ەرنۇر دەۋەنوۆ تٷسٸندٸردٸ.
ول ەتيكالىق نورمالاردى ساقتاۋ مۇعالٸمدەردٸڭ مٸنەز-قۇلقى مەن ٸس-ەرەكەتٸنٸڭ قالىپتى سيپاتى بولۋى كەرەكتٸگٸن ايتتى.
"قىسقى كانيكۋلدا تٷركيياداعى تٷنگٸ كلۋبتا دەمالىپ جاتقان قىزىلوردا وبلىسىنىڭ ەكٸ مۇعالٸمٸنٸڭ ەلەۋمەتتٸك جەلٸدە جارييالاعان ۆيدەولارى اتا-انالار قاۋىمىنىڭ نارازىلىعىن تۋدىردى. مۇعالٸمدەر جۇمىستان بوساتىلدى", - دەپ تٷسٸندٸردٸ ول.
دەۋەنوۆ سونداي-اق بارشا ۇستازدى مورالدٸك-ادامگەرشٸلٸك قۇندىلىقتار تالابىنا ساي بولۋعا شاقىردى.
