452 qyzylordalyq stýdent Máskeý men Sankt-Peterbýrgtiń jetekshi tehnikalyq joǵary oqý oryndarynda Resei Federatsiiasy Úkimetiniń qarajaty esebinen bilim alyp jatyr. Alǵashqy 75 bitirýshi túlek shilde aiynda diplom alyp, elge qaityp keledi. Jas mamandardy jumysqa ornalastyrý máselesi sheshimin tapty.
Resei ýniversitetteri túlekterin jumyspen qamtý máseleleri boiynsha májilisti ashqan oblys ákimi Qyrymbek Kósherbaev aimaqta suranysqa ie mamandardy daiarlaý boiynsha júrgizilip jatqan jumys týraly aitty.
«Qyzylorda oblysy – jyl saiyn Resei Úkimetiniń granttary esebinen jetekshi tehnikalyq ýniversitetterde túlekterin oqytatyn birden-bir aimaq. 2014 jyldan bastap Máskeý jáne Sankt-Peterbýrgtiń oqý oryndaryna oblysymyzdyń 452 mektep bitirýshileri oqýǵa tústi. Biyl olardyń alǵashqy legi oqýyn aiaqtaidy. 62 stýdent diplom alyp, Qyzylordaǵa qaityp keledi, al 13 magistratýraǵa túsip, oqýyn jalǵastyrmaq. 62 túlekti jumysqa ornalastyrý máselesi de pysyqtalýda. Bul balalarǵa úlken úmit artyp otyrmyz, óitkeni olar aimaqtyń jaǵdaiyn ózgertip, qazirgi zamannyń talabyna sai básekege qabiletti maman bolady», - dedi aimaq basshysy.
Alǵashqy 75 túlektiń ishinde Máskeý bolat jáne qorytpalar institýtynyń 13 túlegi magistratýrada oqýyn jalǵastyrsa, 62 adam týǵan qalaǵa qaityp keledi. Olar – «Máskeý bolat jáne qorytpalar institýty» UZTÝ (MISiS) Sankt-Peterbýrg ósimdik polimerleri memlekettik tehnologiialyq ýniversitetiniń «nanotehnologiia jáne mikrojúieli tehnika», «tehnologiialyq protsester men óndiristerdi avtomattandyrý», «materialtaný jáne materialdar tehnologiiasy», «elektronika men nanoelektronika», «metallýrgiia», «standarttandyrý jáne metrologiia», «tehnologiialyq mashinalar men qural-jabdyqtar», «jylý energetika jáne jylý tehnikasy» jáne t.b.
Májilis barysynda jastar saiasaty máseleleri boiynsha basqarma basshysynyń m.a. Abylaihan Sabanbaev pen indýstriialyq-innovatsiialyq damý basqarmasynyń basshysy Rinat Sýltangereev túlekterdi jumyspen qamtý máselesi boiynsha baiandama jasady.
Qazirgi tańda stýdentterdiń túrli máselelerin sheshý úshin Reseidegi qyzylordalyq stýdentteriniń «Orda» qaýymdastyǵy qurylyp, messendjerde arnaiy chat ashyldy, jastar úshin oblys kásiporyndaryna ekskýrsiialar men jumys berýshilermen beiresmi kezdesýler uiymdastyryldy.
Óńirdiń birqatar kásiporny túlekterdi jumysqa qabyldaýǵa daiyn. Olardyń basshylary jiyn barysynda ony rastady. Máselen, «QazAtomÓnerkásip» ulttyq kompaniiasy 11 jas mamandy jumysqa qabyldamaq, «Gejýba Shieli Tsement» 8 adam alýǵa niet bildirdi, sondai-aq, «SKZ - U» JShS, Qyzylorda az tonnalyq munai óńdeý zaýyty, «Kristall menedjment» JShS, «Abzal jáne K» TS, «Qyzylorda jaryǵy» holdingi jáne ózge de kompaniialar qyzyǵýshylyq bildirdi.
Oblys ákimi mamandardyń baspana máselesin de sheship berýdi tapsyrdy.
Odan bólek, jyl sońyna deiin aimaqta 4 iri kásiporyn (shyny, molibden jáne 2 tsement zaýyttary men balyq óndeý tsehy) iske qosylady. Rinat Sýltangereevtiń aitýynsha, bul kásiporyndarda jergilikti kolledjderdiń «himiia», «energetika», «standarttandyrý», «materialtaný», «avtomattandyrý» mamandyqtary boiynsha 650 jýyq túlegi jumyspen qamtylatyn bolady. Máselen, tsement zaýytynda 200 adam, onyń ishinde qazirgi tańda Qytaida oqyp jatqan Shieli indýstriialyq agrarlyq kolledjiniń 46 túlegi jumys isteitin bolady.
Májilisti qorytyndylai kele, oblys ákimi Qyrymbek Kósherbaev jaýapty memlekettik organdarǵa stýdentterdi óńirdiń óndiristik kompaniialardaǵy bos jumys oryndary týraly ýaqytyly habardar etýdi tapsyryp, jastardy jumysqa ornalastyrý boiynsha jeke jaýapkershilik júktelgenin eskertti.
Esterińizge salaiyq, 2014 jyldan bastap Máskeý bolat jáne qorytpalar institýty, Sankt-Peterbýrg ósimdik polimerleri memlekettik tehnologiialyq ýniversiteti, K.A.Timiriazev atyndaǵy Resei memlekettik agrarlyq ýniversiteti men I.M.Gýbkin atyndaǵy Resei memlekettik munai jáne gaz ýniversiteti qyzylordalyq túlekterdi aimaqqa qajetti mamandyqtar boiynsha oqytý úshin granttardy bólip keledi.
Odan bólek, syrboiylyq jastardy Qazan qalasyndaǵy «Innopolis» ýniversitetinde oqytý týraly kelisim jasaldy, «Skolkovo» innovatsiialyq ortalyǵymen áriptestik ornatý josparlanýda.
Atap óteiik, biyldan bastap qyzylordalyq jastar úshin «Kiberqaýipsizdik» jáne «Matematikalyq protsesterdi modeldeý» mamandyqtary boinysha M.V.Lomonosov atyndaǵy Máskeý memlekettik ýniversitetiniń magistratýrasyna 20 grant bólinetin bolady.
Sondai-aq, jyl saiyn oblys ákiminiń granttary esebinen 100 jýyq aýyldyq jerdegi az qamtylǵan otbasylardan abitýrientter bilim alyp jatyr, qazirgi tańda grant ieleriniń sany 700 jýyq. Biylǵy jyly grant sanyn 200-ge jetkizilip, onyń 70 paiyzy aqparattyq tehnologiialar salasyndaǵy mamandyqtarǵa baǵyttalatyn bolady.
