Qyzylorda oblysy Qarmaqshy aýdanynda jeke turǵyn úide gaz jarylýy saldarynan qaza bolǵan turǵyndardyń kimder ekeni belgili boldy, dep habarlaidy "Ult aqparat".
Budan buryn habarlaǵanymyzdai, búgin, 15 naýryzda saǵat 13:30-da Josaly kentindegi bir qabatty jeke turǵyn úide kólemi 27 litr gaz ballony jarylyp, úi qirady.
Oblystyq tótenshe jaǵdailar departamenti mamandarynyń kúshimen úiindi astynan 4 adamnyń máiiti tabyldy. Olardyń bireýi - 1981 jyly dúniege kelgen úi iesi. Sondai-aq, úi iesiniń 2000 jylǵy sińlisi men 1999 jylǵy týysy, 2001 jylǵy kórshisi oqiǵa ornynda kóz jumǵan.
«Órt sóndirý mamandary kelgenge deiin kórshiler úiden 1950 jylǵy kórshisin shyǵaryp, aýrýhanaǵa jetkizgen. Órt 15:17-de tolyq sóndirildi. Órt alańy 144 sharshy metrdi qurady. Al qulaý alańy 46 sharshy metr.
Saǵat 17:05-te úidiń qulaǵan qurylymdaryn taldaý jumystary aiaqtaldy. Órt bolǵan jerge tekserý júrgizilýde. Oqiǵanyń sebebi anyqtalýda. Oqiǵa ornyna Qyzylorda qalasynan órt synaq zerthanasy keldi», - dep málim etti Qyzylorda oblystyq tótenshe jaǵdailar departamentinen.
