قىزىلوردا وبلىسى قارماقشى اۋدانىندا جەكە تۇرعىن ٷيدە گاز جارىلۋى سالدارىنان قازا بولعان تۇرعىنداردىڭ كٸمدەر ەكەنٸ بەلگٸلٸ بولدى, دەپ حابارلايدى "ۇلت اقپارات".
بۇدان بۇرىن حابارلاعانىمىزداي, بٷگٸن, 15 ناۋرىزدا ساعات 13:30-دا جوسالى كەنتٸندەگٸ بٸر قاباتتى جەكە تۇرعىن ٷيدە كٶلەمٸ 27 ليتر گاز باللونى جارىلىپ, ٷي قيرادى.
وبلىستىق تٶتەنشە جاعدايلار دەپارتامەنتٸ ماماندارىنىڭ كٷشٸمەن ٷيٸندٸ استىنان 4 ادامنىڭ مەيٸتٸ تابىلدى. ولاردىڭ بٸرەۋٸ - 1981 جىلى دٷنيەگە كەلگەن ٷي يەسٸ. سونداي-اق, ٷي يەسٸنٸڭ 2000 جىلعى سٸڭلٸسٸ مەن 1999 جىلعى تۋىسى, 2001 جىلعى كٶرشٸسٸ وقيعا ورنىندا كٶز جۇمعان.
«ٶرت سٶندٸرۋ ماماندارى كەلگەنگە دەيٸن كٶرشٸلەر ٷيدەن 1950 جىلعى كٶرشٸسٸن شىعارىپ, اۋرۋحاناعا جەتكٸزگەن. ٶرت 15:17-دە تولىق سٶندٸرٸلدٸ. ٶرت الاڭى 144 شارشى مەتردٸ قۇرادى. ال قۇلاۋ الاڭى 46 شارشى مەتر.
ساعات 17:05-تە ٷيدٸڭ قۇلاعان قۇرىلىمدارىن تالداۋ جۇمىستارى اياقتالدى. ٶرت بولعان جەرگە تەكسەرۋ جٷرگٸزٸلۋدە. وقيعانىڭ سەبەبٸ انىقتالۋدا. وقيعا ورنىنا قىزىلوردا قالاسىنان ٶرت سىناق زەرتحاناسى كەلدٸ», - دەپ مەلٸم ەتتٸ قىزىلوردا وبلىستىق تٶتەنشە جاعدايلار دەپارتامەنتٸنەن.
