Qyzylorda qalasyndaǵy №66597 áskeri bóliminde sarbaz kóz jumdy, dep habarlaidy "Ult Aqparat" QazAqparatqa silteme jasap.
Qaiǵyly jaǵdai 23 qańtarda oqý-jattyǵý jiyny kezinde bolǵan. Ol kezde keibir qupiia jaǵdailarǵa bailanysty, málimetter jariialanbaǵan edi.
Kóz jumǵan sarbaz kelisim-shart negizinde jumys jasaǵan. Qazirgi tańda atalmysh faktige bailanysty tergeý jumystary júrip jatyr eken.
«Sarbazdyń oqý-jattyǵý kezinde kóz jumǵany anyqtaldy. Áskeri bólimde qyzmettik tekseris júrip jatyr. Bul iste nemqurailylyqqa bailanysty qylmystyq is qozǵalǵan. Qazir quzyrly organdar sotqa deiingi tergeý jumystarymen ainalysýda. Barlyq protsester aiaqtalǵannan keiin, naqty protsessýaldy sheshim qabyldanatyn bolady», - dedi Qyzylorda garnizonynyń áskeri prokýrory Qasen Rahmatýlin.
