Qyzylorda oblysynda koronavirýs infektsiiasyn juqtyrǵan taǵy eki adam tirkeldi. Qazir oblysta atalǵan diagnozben 28 adam em alýda, dep habarlaidy QazAqparat.
Bul týraly Óńirlik kommýnikatsiialar qyzmeti alańynda oblystyq densaýlyq saqtaý basqarmasy basshysy Jaqsylyq Abdýsametov habarlady.
«2020 jyldyń 3 sáýiri kúni jergilikti ýaqytpen saǵat 16.15-te COVID-19 virýsynyń jańadan 2 jaǵdaiy tirkeldi. Anyqtalǵan 2 azamat Shieli jáne Qarmaqshy aýdandarynyń turǵyndary. Olar budan buryn COVID-19 virýsyn juqtyrǵan adamdarmen bailanysta bolǵan. Jaǵdailary qanaǵattanarlyq»,-dedi Jaqsylyq Ábilqasymuly.
Qazirgi tańda oblysta koronavirýs infektsiiasy anyqtalǵan azamattarmen qarym-qatynasta bolǵan 662 adam bar. Onyń 237-si karantinde, 425 -si úi jaǵdaiynda baqylaýda.
