Qyzylorda qalasynda asharshylyq jáne saiasi qýǵyn-súrgin qurbandaryna arnalǵan miting ótti.
Sharada oblys ákimi Q. Kósherbaev el tarihynda milliondaǵan qazaqtardyń ómirin qiǵan birqatar qaiǵyly oqiǵalar oryn alǵanyn atap ótti. Olardyń biri – 30-shy jyldaryndaǵy saiasi qýǵyn-súrgin men asharshylyq.
«Bir ǵana Qyzylorda oblysynda barlyǵy 81 bai, 10 920 iri qara, 47 299 usaq mal tárkilenipti. Muraǵat qoryndaǵy oblystyq prokýratýranyń 1937-1938 jyldardaǵy qupiiasyzdandyrylǵan qujattardaǵy derekteri boiynsha NKVD úshtik sotymen 1937-1938 jyldary halyq jaýy degen jalamen 314 adam, onyń 110-y partiia qatarynan sottalyp jazalanǵan eken. Tarihshylardyń baǵalaýynsha, odaq boiynsha 1927-1953 jyldary 60 million adam, onyń ishinde Qazaqstan boiynsha 103 myń adam qýǵyn-súrginge ushyraǵan. Olardyń 25 myńy atyldy», - dedi aimaq basshysy.
Mitingte qurbandardy eske alý maqsatymen bir minýttyq únsizdik jariialanyp, eskertkishke gúl shoqtary qoiyldy.
Sondai-aq, keshke N.Bekejanov atyndaǵy oblystyq qazaq mýzykalyq-drama teatrynda dramatýrg, Qazaqstannyń eńbek sińirgen qairatkeri, Halyqaralyq Sh.Aitmatov akademiiasynyń akademigi Rahymjan Otarbaevtyń «Narkom Júrgenov» spektakliniń qoiylymy ótedi. Spektakl «Temir narkomnyń» ómiri qazaq halqynyń aǵartý isine baǵyttalǵan eńbegi týraly baiandaidy.
