Qyzylorda oblysynyń ákimi Nurlybek Nálibaev eki jasar sábidi qutqaryp qalǵan 15 jastaǵy Arman Amanjolovqa eki bólmeli páterdiń kiltin tabys etti, - dep habarlaidy Tengrinews.kz oblys ákiminiń baspasóz qyzmetine silteme jasap.
Syi oblystyq Tamyz pedagogikalyq keńesinde saltanatty túrde tabystaldy. Aimaq basshysy jas batyrǵa erekshe alǵysyn bildirdi jáne bul páter demeýshiler atynan beriletinin atap ótti.
"Qarapaiym aýyl balasynyń bul erligi ózi siiaqty balalarǵa úlgi bolsyn, elimizde mundai azamattar kóp bolsyn. Kórsetken erligi men batyldyǵy úshin alǵys aitamyz. Siz - naǵyz batyrsyz!" – dedi aimaq basshysy páter kiltin tabystap.
Eske salaiyq, 19 tamyzda Qyzylordada tórt metrlik káriz qudyǵyna túsip ketken eki jasar balany kezdeisoq ótip bara jatqan jasóspirim qutqaryp qalǵan.
Arman Qyzylordaǵa Ihsanov atyndaǵy Qyzylorda politehnikalyq kolledjine túsý úshin kelgen. Tańdaǵan mamandyǵy - elektrik. Ol - kópbalaly otbasynan shyqqan jigit.
