kórneki sýret: gov.kz
Qyzylordada balasy jasóspirimdi urdy dep aiyptalǵan qalalyq politsiia basqarmasy bastyǵynyń kadr saiasaty jónindegi orynbasaryna qatań sógis jariialandy, - dep habarlaidy Tengrinews.kz saity.
Biyl 7 naýryzda Qyzylorda qalasyndaǵy "Tarlan" sport kesheninde eki kámeletke tolmaǵan bala arasynda janjal shyǵyp, saldarynan 12 jastaǵy mektep oqýshysy zardap shekti. Sol kezde joǵary laýazymdy politseidiń balasy ony urdy dep aiyptalǵan.
"Ishki ister organdary qyzmetkerleriniń bedeline nuqsan keltirgeni úshin qalalyq politsiia bólimi bastyǵynyń kadr saiasaty jónindegi orynbasaryna tártiptik shara qoldanyldy - qatań sógis. Bul sheneýniktiń Qyzylordadaǵy "Tarlan" sport kesheni aldynda jasaǵan áreketi qoǵam tarapynan qatań synǵa ushyrady jáne tártip saqshysyna sai emes", - dedi oblystyq Politsiia departamentiniń baspasóz qyzmeti ókilderi.
Qyzylorda politsiiasynda osy oqiǵadan keiin qalalyq ishki ister basqarmasy bastyǵynyń kadr jumysy jónindegi orynbasary Eldei Seiilhanǵa qatysty qyzmettik tergeý bastaldy.
"QK-niń 293-baby 1-bóligi ("Buzaqylyq") boiynsha sotaldy tergeý bastaldy. Jattyqtyrýshyǵa qatysty qylmystyq kodekstiń 140-baby 2-bóligi boiynsha qylmystyq is tirkelgen ("Kámeletke tolmaǵandy tárbieleý jónindegi mindetterdi oryndamaý"). Tiisti sot-meditsinalyq saraptamalar taǵaiyndaldy", - dedi Qyzylorda oblysy Politsiia departamentiniń baspasóz qyzmeti ókilderi.
Eske salaiyq, buǵan deiin Qyzylorda oblysynda 15 jastaǵy jasóspirim soqqyǵa jyǵylǵan bolatyn. Áiteke bi kentindegi mektep-litseiiniń 9-11 synyp oqýshylarynyń bes oqýshysy mektep oqýshysyn soqqyǵa jyqqan.
