Qyzylordada júrgizýshi politseilerden qashpaq bolǵan. Oqiǵa videoǵa túsip qaldy, - dep habarlaidy Tengrinews.kz tilshisi Polisia.kz saityna silteme jasap.
11 tamyzda tún ortasy kezinde patrýldik politsiia ekipajy Qyzylordanyń ortalyq kósheleriniń birinde jol erejesin buzǵan ÝAZ kóligin baiqaǵan.
"Politseiler toqtatýdy talap etti. Alaida júrgizýshi buǵan mán bermei, qozǵalysty jalǵastyryp, jol jiegine shyǵyp ketken", - dedi politseiler.
Tekserý barysynda rólde kólik quralyn basqarý quqyǵynan aiyrylǵan 46 jastaǵy qyzylordalyq bolǵany belgili boldy.
"Quqyq buzýshyǵa qatysty QR ÁQBtK-niń 613-baby 3-1-bóligi jáne 612-baby 1-bóligi boiynsha ákimshilik hattamalar toltyryldy", - delingen habarlamada.
