Qyzylorda oblysy Aral aýdanynda búgin órtengen AN-2 ushaǵy jaiynda jańa málimetter paida boldy, dep habarlaidy QazAqparat.
Bul jóninde habarlama oblystyq tótenshe jaǵdailar departamentine saǵat 12.10-de túsken. Órt sóndirýshiler oqiǵa ornyna 12.18-de jetti.
Oqiǵa Aral qalasyna jaqyn jerde ornalasqan Altynqudyq degen jerde bolǵan.
Ol aýdan ortalyǵynan shamamen 10 shaqyrym qashyqtyqta ornalasqan.
«Qonýǵa bet alǵan ushaqtyń tolyq janyp ketkeni belgili boldy. Órttiń ázirge neden shyqqany belgisiz. Bul maqsatta oqiǵa ornynda arnaiy saraptama taǵaiyndalady», - dep málim etti Qyzylorda oblystyq tótenshe jaǵdailar departamenti órt sóndirý jáne avariialyq-qutqarý jumystary qyzmetiniń baspasóz hatshysy Áliia Erejepova.
Vedomstvo málimetinshe, atalǵan ushaq TJA5217 sanitarlyq baǵyty boiynsha jumys jasaǵan.
Ekipaj «Sanaviatsiia» qyzmetiniń tapsyrmasy boiynsha shyqqan.
Ushaqta 1970 jylǵy ekipaj komandiri, 1992 jylǵy ekinshi pilot jáne 1974 jylǵy dáriger bolǵan. Adamdar aman.
