Oblystyq biýdjetten bólingen 49 mln. 346,0 myń teńgege memleket jáne qoǵam qairatkeri Mustafa Shoqaidyń eskertkishi jasalyndy. Bul týraly qala ákimdiginiń baspasóz qyzmeti habarlady.
Alyp eskertkishtiń biiktigi — 6 metr, búgingi kúni eskertkish ornatýǵa tolyq daiyn tur.
Eskertkish 3 natýralyq ólshemde, qola materialynan quiylǵan. Avtory — Qazaqstan Sýretshiler odaǵynyń múshesi, músinshi Kósher Baiǵaziev.
Búgingi tańda Qyzylorda qalasynyń ortalyǵynan eskertkishtiń orny belgilenip, «Mustafa Shoqai atyndaǵy qoǵamdyq qordyń» qarjysy esebinen biiktigi 6 metrdi quraityn granit postamenttiń qurylysy júrgizilýde. Eskertkishti ornatýǵa Qazaqstan Respýblikasynda ornatylatyn eskertkishter men monýmentter jónindegi Memlekettik komissiianyń hattamalyq sheshimimen kelisim alynǵan.
