Qyzylordada karantin talaby saqtalýyn qadaǵalaityn monitoring top músheleri úilený toiyn jasaǵan 2 turǵynǵa ákimshilik hattama toltyrdy, dep habarlaidy "Ult aqparat".
Monitoring top músheleri jyl basynan beri 58 reid júrgizdi. Nátijesinde 2 536 nysan qamtylyp, onda 163 karantin talabyn buzý deregi anyqtaldy. Onyń ishinde 83-i halyqqa qyzmet kórsetý nysandarynda tirkelse, 45-i úide ótkizilgen kópshilik is-sharalar sanalady. Sondai-aq, bilim berý nysandarynda - 30, meditsinalyq mekemelerde - 3 karantin talabyn buzý tirkelgen.
«Monitoring top músheleri Jalaǵash aýdanynyń ortalyǵynda 2 úilený toiyn toqtatty. Al Jańaqorǵan aýdanynda 3 otbasylyq shara uiymdastyrylǵan. Anyqtalǵan derekter negizinde búgingi kúnge deiin QR Ákimshilik quqyq buzýshylyq týraly kodeksiniń 425-baby 1-bóligimen jalpy somasy 13 753 655 teńgege aiyppul salyndy. Bul boiynsha zańdy tulǵalar men jeke kásipkerge qatysty - 16, laýazymdyq tulǵaǵa - 5, nysandarǵa qatysy bar jeke tulǵalarǵa 98 hattama toltyrylǵan. Qalǵany nysandarmen bailanysty emes jeke tulǵalarǵa qatysty bolyp otyr», - dep málim etti Qyzylorda oblysy ákimdiginiń baspasóz qyzmetinen.
Eske salsaq, Qyzylordada Syrdariia aýdany «qyzyl» aimaqqa engizildi.
