قىزىلوردادا كارانتين تالابى ساقتالۋىن قاداعالايتىن مونيتورينگ توپ مٷشەلەرٸ ٷيلەنۋ تويىن جاساعان 2 تۇرعىنعا ەكٸمشٸلٸك حاتتاما تولتىردى, دەپ حابارلايدى "ۇلت اقپارات".
مونيتورينگ توپ مٷشەلەرٸ جىل باسىنان بەرٸ 58 رەيد جٷرگٸزدٸ. نەتيجەسٸندە 2 536 نىسان قامتىلىپ, وندا 163 كارانتين تالابىن بۇزۋ دەرەگٸ انىقتالدى. ونىڭ ٸشٸندە 83-ٸ حالىققا قىزمەت كٶرسەتۋ نىساندارىندا تٸركەلسە, 45-ٸ ٷيدە ٶتكٸزٸلگەن كٶپشٸلٸك ٸس-شارالار سانالادى. سونداي-اق, بٸلٸم بەرۋ نىساندارىندا - 30, مەديتسينالىق مەكەمەلەردە - 3 كارانتين تالابىن بۇزۋ تٸركەلگەن.
«مونيتورينگ توپ مٷشەلەرٸ جالاعاش اۋدانىنىڭ ورتالىعىندا 2 ٷيلەنۋ تويىن توقتاتتى. ال جاڭاقورعان اۋدانىندا 3 وتباسىلىق شارا ۇيىمداستىرىلعان. انىقتالعان دەرەكتەر نەگٸزٸندە بٷگٸنگٸ كٷنگە دەيٸن قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 425-بابى 1-بٶلٸگٸمەن جالپى سوماسى 13 753 655 تەڭگەگە ايىپپۇل سالىندى. بۇل بويىنشا زاڭدى تۇلعالار مەن جەكە كەسٸپكەرگە قاتىستى - 16, لاۋازىمدىق تۇلعاعا - 5, نىساندارعا قاتىسى بار جەكە تۇلعالارعا 98 حاتتاما تولتىرىلعان. قالعانى نىساندارمەن بايلانىستى ەمەس جەكە تۇلعالارعا قاتىستى بولىپ وتىر», - دەپ مەلٸم ەتتٸ قىزىلوردا وبلىسى ەكٸمدٸگٸنٸڭ باسپاسٶز قىزمەتٸنەن.
ەسكە سالساق, قىزىلوردادا سىردارييا اۋدانى «قىزىل» ايماققا ەنگٸزٸلدٸ.
