Baiqaýdyń bas júldesi men respýblikalyq kezeńge joldamany Syrdariia aýdanynyń turǵyndary Báimenovter otbasyna jeńip aldy.
«Mereili otbasy» jalpyulttyq baiqaýynyń aimaqtyq kezeńine 361 otbasy qatysty. Esterińizge sala keteiik, baiqaý Elbasy N.Á.Nazarbaevtyń bastamasymen 2014 jyldan bastap ótkizilip keledi.
Sharaǵa qatysqan oblys ákimi Qyrymbek Kósherbaev baiqaý qatysýshylary men jeńimpazdaryn quttyqtady.
«Otbasy qundylyǵy qai kezeńde de, qai memlekette de saiasattyń eń mańyzdy bóligi bolǵan. Bala týý kórsetkishi boiynsha Syr óńiri respýblikada aldyńǵy qatarda tur – aimaǵymyz 4 orynda. Oblysymyzdaǵy 44 myńnan astam kópbalaly ananyń 27 myńdaiy batyr ana. «Bir qolymen besikti, ekinshi qolymen álemdi terbetken» altyn qursaqty analarymyzdyń 14 myńǵa jýyǵy «Altyn alqa»,13 myńdaiy «Kúmis alqa» iegeri», - dep atap ótti aimaq basshysy.
Búgin baiqaýdyń aimaqtyq kezeńiniń jeńimpazdary marapattaldy. Atap aitqanda, baiqaýdyń bas júldesi men respýblikalyq kezeńge joldama Syrdariia aýdanynyń turǵyndary Báimenovter otbasyna tabystady. Birinshi oryndy shielilik Ishanqulovtar otbasy jeńip alsa, ekinshi oryn jalaǵashtyq Toqsanovtar, al úshinshi oryn – Qaraýyltóbe aýylynyń turǵyndary Dosmahanovtar áýletine buiyrdy.
Odan bólek, kelesi nominatsiialar boiynsha:
«Jarasymdy januia» - Nazarovtar otbasy, Qyzylorda qalasy;
«Úlgili otbasy» - Baidáýletovter otbasy, Qyzylorda qalasy;
«Tatý otbasy» - Jamanqaraevtar otbasy, Aral aýdany;
«Izgilikti shańyraq» - Janadilovterdiń otbasy, Qarmaqshy aýdany.
«Ónerli otbasy» - Esimseitovter otbasy, Shieli aýdany;
«Máýeli báiterek» - Aitbaevtar otbasy Shieli aýdany;
«Ulaǵatty otbasy» - Kómekbaevtar otbasy, Qyzylózek aýyldyq okrýgi, Ainakól aýyly;
«Ónegeli otbasy» - Ábilqasymovtar otbasy; Syrdariia aýdany, Shirkeili aýyly.
Jeńimpazdarǵa diplomdar men baǵaly syilyqtar tabystaldy.
Merekelik is-shara kontserttik baǵdarlamamen aiaqtaldy.
Bas júlde iegerleri aǵymdaǵy jyly qyrkúiek aiynda Astana qalasynda ótetin respýblikalyq kezeńge qatysady.
