Qyzylorda oblysynda meningokokkty infektsiiaǵa qarsy ekpe jasaý jumystary bastaldy, dep habarlaidy "Ult aqparat".
Respýblika ortalyǵynan jetkizilgen arnaiy vaktsina 50 adamǵa jetedi. Ekpe oblys boiynsha bir ǵana mekemede - Qyzylorda qalasyndaǵy №6 emhanada jasalýda. Búginde ony eki adam qabyldady.
Meningit infektsiiasy aýa tamshylary arqyly taralatyny belgili. Sol sebepti qaterli dertten ekpe saldyrý arqyly qorǵanýǵa bolady.
«Múmkindiginshe ekpe saldyrǵan durys. Meningitke qarsy vaktsina bir aidyń ishinde dertke qarsy immýnitet qalyptastyrady. Sol sebepti ýaqytty tiimdi paidalanǵan jón. Dál qazir emhanamyzǵa 50 ekpe jetkizildi. Qajet bolyp jatsa, qosymsha taǵy da aldyratyn bolamyz», - dedi №6 emhananyń bas dárigeri Janat Qojaripova.
Ekpeni salý aqyly túrde júrgiziledi. Onyń quny - 23 000 teńge. «Ózge óńirlermen salystyrǵanda Qyzylordada vaktsina baǵasy áldeqaida arzan. Biz turǵyndarǵa yńǵaily bolý úshin osy baǵany bekitýdi jón sanadyq. Aldaǵy ýaqytta múmkindik bolyp jatsa, taǵy da arzandatpaqpyz», - dedi bas dáriger.
Esterińizge sala keteiik, Qyzylorda oblysynda 27 jastaǵy azamat meningitke shaldyǵyp, kóz jumǵan bolatyn.
Buǵan deiin oblystyq Qoǵamdyq densaýlyq saqtaý basqarmasynyń basshysy Ulbosyn Ahanaeva Qyzylorda meningokokk infektsiiasy boiynsha qaýipti aimaq qataryna jatpaitynyn málim etken bolatyn.
Meningokokkty juqtyrý derekteri óńirde buǵan deiingi jyldary da tirkelgen. Atap aitqanda, 2015 jyly 4 derek - 1-i Jańaqorǵanda, 3-eýi Qyzylorda qalasynda anyqtalǵan. Al 2016 jyly - bir ǵana jaǵdai tirkelse, 2017 jyly eshbir oqiǵa kezdesken joq.
