Memlekettik komissiianyń shuǵyl shtaby Qyzylorda oblysynda «COVID-19» infektsiiasyn juqtyrǵan sońǵy 3 adam týraly aqparat taratty, dep habarlaidy "Ult aqparat".
Aýrý juqtyrǵandardyń úsheýi de Syrdariia aýdanynda tirkeldi. Barlyǵy da koronavirýs infektsiiasyn juqtyrǵan adammen qarym-qatynasta bolýyna bailanysty karantindik statsionarǵa jatqyzylyp, zerthanalyq synama alynǵan. PTR diagnostikalyq zertteý qorytyndysymen COVID-19 diagnozy naqtylandy.
Qazirgi tańda naýqastardyń jaǵdaiy birqalypty. Bekitilgen hattamaǵa sáikes tiisti em júrgizilýde.
Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda.
Aýrý oshaqtarynda epidzertteý jumystary, dezinfektsiialyq jumystar júrgizilip jatyr.
Aimaqta COVID-19 koronavirýs infektsiiasyn juqtyrǵan 69 adam anyqtaldy, Qyzylorda qalasynda – 9, Jańaqorǵan aýdanynda – 16, Qarmaqshyda – 4, Shielide – 35, Syrdariia aýdanynda – 4, Aral aýdanynda – 1 adam .
