Qyzylorda oblysynda koronavirýs infektsiiasyna shaldyqqan sońǵy úsh naýqastyń ony qaidan juqtyrǵany belgili boldy, dep habarlaidy "Ult aqparat".
Qazirgi tańda Qyzylorda oblysynda koronavirýs infektsiiasyn juqtyrǵan 31 adam bar.
Bul týraly Óńirlik kommýnikatsiialar qyzmetiniń aqparattyq alańynda oblystyq densaýlyq saqtaý basqarmasynyń basshysy Jaqsylyq Abdýsametovtiń aitýynsha, koronavirýs indetin juqtyrǵan sońǵy 3 adamnyń ekeýi Shieli aýdanynan tirkelse, bireýi - Qarmaqshy aýdanynyń turǵyny bolyp shyqty. Anyqtalǵan naýqastar statsionarǵa jatqyzyldy. Qazirgi ýaqytta, jaǵdailary birqalypty jáne olar em alýda»,-dedi Jaqsylyq Ábilqasymuly.
Basqarma basshysynyń aitýynsha, Shieli aýdanynda tirkelgender 1998, 1999 jyly dúniege kelgen qyz balalar. Petropavl qalasynan kelgen 1998 jylǵy stýdent karantin tártibin saqtamaǵan. Nátijesinde ol 1999 jylǵy qurbysyna juqtyrǵan. Al Qarmaqshy aýdanynan virýs juqtyrǵan azamat 50 jastaǵy er adam. Ol osy infektsiiany juqtyrǵan adammen bailanysta bolǵan.
Aita keteiik, oblysymyzda koronavirýs infektsiiasyn juqtyrǵan azamattarmen qarym-qatynasta bolǵan 740 adam anyqtaldy. Onyń 254-i karantinde bolsa, 486-sy úi jaǵdaiynda baqylaýda.
