Qyzylorda oblysy Syrdariia aýdanynda búgin tańerteń anyqtalǵan 3 naýqastyń ekeýi qoiylǵan diagnozǵa senbei, aýdandyq juqpaly aýrýlar aýrýhanasynda em alýdan bas tartqan, dep habarlaidy "Ult aqparat".
Bul jóninde oblystyq densaýlyq saqtaý basqarmasynyń basshysy Jaqsylyq Abdýsametov Óńirlik kommýnikatsiialar qyzmetinde ótken brifingte aityp berdi.
«Syrdariia aýdanyndaǵy 2 naýqas ózderine qoiylǵan diagnozǵa qarsylyq tanytqan oqiǵa kezdesti. Mundai jaǵdai jumysymyzǵa kedergi keltiredi. Biz turǵyndardy túsinistik tanytýǵa shaqyramyz», – dedi basqarma basshysy.
Sondai-aq, basqarma basshysy Aral aýdanynda tirkelgen 1 naýqas «Astana – Qyzylorda» baǵytyndaǵy poiyzda jolserik bolǵandyǵyn aityp ótti. Ol Túrkistan oblysyndaǵy qaýipti indetti juqtyrǵan naýqasty tasymaldaǵan.
