قىزىلوردا وبلىسى سىردارييا اۋدانىندا بٷگٸن تاڭەرتەڭ انىقتالعان 3 ناۋقاستىڭ ەكەۋٸ قويىلعان دياگنوزعا سەنبەي, اۋداندىق جۇقپالى اۋرۋلار اۋرۋحاناسىندا ەم الۋدان باس تارتقان, دەپ حابارلايدى "ۇلت اقپارات".
بۇل جٶنٸندە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە ايتىپ بەردٸ.
«سىردارييا اۋدانىنداعى 2 ناۋقاس ٶزدەرٸنە قويىلعان دياگنوزعا قارسىلىق تانىتقان وقيعا كەزدەستٸ. مۇنداي جاعداي جۇمىسىمىزعا كەدەرگٸ كەلتٸرەدٸ. بٸز تۇرعىنداردى تٷسٸنٸستٸك تانىتۋعا شاقىرامىز», – دەدٸ باسقارما باسشىسى.
سونداي-اق, باسقارما باسشىسى ارال اۋدانىندا تٸركەلگەن 1 ناۋقاس «استانا – قىزىلوردا» باعىتىنداعى پويىزدا جولسەرٸك بولعاندىعىن ايتىپ ٶتتٸ. ول تٷركٸستان وبلىسىنداعى قاۋٸپتٸ ٸندەتتٸ جۇقتىرعان ناۋقاستى تاسىمالداعان.
