Qyzylordada 21 adamdy aldap, olarǵa 22 mln teńge shyǵyn keltirgen alaiaqtar bes jylǵa sottaldy, dep habarlaidy "Ult aqparat".
Qyzylorda qalalyq Politsiia basqarmasyna qala turǵyndary «Befree» atty qarjy piramidasynyń qurbany bolǵany jóninde shaǵym ústirgen. Oqiǵa 2019 jyldyń qazan aiynan bastaý alǵan.
Belgisiz bireýler WhatsApp jelisi arqyly «Befree» tobyn ashyp, qarjylyq (investitsiialyq) piramida qurǵan. Onda turǵyndarǵa eki apta ishinde 50 paiyz ústememen paida tabý múmkindigi bar ekendigi aitylǵan. Aldanǵan 21 jábirlenýshige keltirilgen materialdyq shyǵyn 22 millionnan astam teńgeni qurady.
«Politseilerdiń jedel áreketi men tergep-tekserý jumystarynyń nátijesinde aldymen Qyzylorda qalasynyń turǵyny qolǵa tústi. Keiinnen is boiynsha taǵy eki azamatsha anyqtaldy. Olarǵa qatysty dáleldemeler jinaqtaldy. QR Qylmystyq kodeksiniń 217-baby 3-bóliginiń 2-tarmaǵymen sotqa deiingi tergep-tekserý amaldary júrgizildi. Qyzylorda qalalyq sotynda olardyń árqaisysyn 5 jylǵa bas bostandyǵynan aiyrý týraly sheshim shyqty», - dep málim etti Qyzylorda oblystyq Politsiia departamentinen.
