قىزىلوردادا 21 ادامدى الداپ, ولارعا 22 ملن تەڭگە شىعىن كەلتٸرگەن الاياقتار بەس جىلعا سوتتالدى, دەپ حابارلايدى "ۇلت اقپارات".
قىزىلوردا قالالىق پوليتسييا باسقارماسىنا قالا تۇرعىندارى «Befree» اتتى قارجى پيراميداسىنىڭ قۇربانى بولعانى جٶنٸندە شاعىم ٷستٸرگەن. وقيعا 2019 جىلدىڭ قازان ايىنان باستاۋ العان.
بەلگٸسٸز بٸرەۋلەر WhatsApp جەلٸسٸ ارقىلى «Befree» توبىن اشىپ, قارجىلىق (ينۆەستيتسييالىق) پيراميدا قۇرعان. وندا تۇرعىندارعا ەكٸ اپتا ٸشٸندە 50 پايىز ٷستەمەمەن پايدا تابۋ مٷمكٸندٸگٸ بار ەكەندٸگٸ ايتىلعان. الدانعان 21 جەبٸرلەنۋشٸگە كەلتٸرٸلگەن ماتەريالدىق شىعىن 22 ميلليوننان استام تەڭگەنٸ قۇرادى.
«پوليتسەيلەردٸڭ جەدەل ەرەكەتٸ مەن تەرگەپ-تەكسەرۋ جۇمىستارىنىڭ نەتيجەسٸندە الدىمەن قىزىلوردا قالاسىنىڭ تۇرعىنى قولعا تٷستٸ. كەيٸننەن ٸس بويىنشا تاعى ەكٸ ازاماتشا انىقتالدى. ولارعا قاتىستى دەلەلدەمەلەر جيناقتالدى. قر قىلمىستىق كودەكسٸنٸڭ 217-بابى 3-بٶلٸگٸنٸڭ 2-تارماعىمەن سوتقا دەيٸنگٸ تەرگەپ-تەكسەرۋ امالدارى جٷرگٸزٸلدٸ. قىزىلوردا قالالىق سوتىندا ولاردىڭ ەرقايسىسىن 5 جىلعا باس بوستاندىعىنان ايىرۋ تۋرالى شەشٸم شىقتى», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
