Qazaqstandaǵy shaǵyn biznes kásiporyndarynyń 60 paiyzdan astamyn áielder basqarady. Al Qyzylorda oblysynda jyl basynan beri Óńirlik investitsiialyq ortalyq arqyly qarjylandyrylǵan 258 jobasynyń 112 kásipker qyz-kelinshektiń bastamasymen qolǵa alynǵan bolatyn. Ol týraly oblystyq isker áiel –kásipkerler forýmynda oblys ákimi Q.Kósherbaev habarlady.
Forým jumysyna óńirlik qarjy institýttary men memlkettik organ basshylary, sondai-aq, 40 jýyq kásipker qyz-kelinshekter qatysyp, aimaqtyq isker hanymdarynyń buiymdary kórmesi uiymdastyryldy.
Oblys ákimi Q.Kósherbaev forýmǵa qatysýshylardy quttyqtap, jumystaryna sáttilik tiledi jáne Syr óńirindegi shaǵyn jáne orta biznesti qoldaý sharalary týraly baiandap berdi.
«Qazirgi tańda rsepýblika boiynsha kásipker qyz-kelinshekterdiń úlesi 50 paiyzdan astam. Mundai joǵary kórsetkishter áielder kásipkerliginiń damýy áleýetiniń taǵy iýir dáleli. Shaǵyn biznes kásiporyndarynyń 60 paiyzdan astamyn áielder basqaryp otyr. Onyń ishinde basym kópshiligi qyzmet kórsetý salasy: atele, sýlýlyq salondary, dúkender, jáne densaýlyq saqtaý, azyq-túlik jáne týrizm salalary. Jyl basynan beri oblysymyzda Óńirlik investitsiialyq ortalyq arqyly mikronesie berý maqsatynda 1 mlrd.teńge bólindi. Búgingi kúni 258 joba maquldanyp, qarjylandyryldy. Onyń 112 paiyzy isker áiel – kásipkerlerge tiesili», - dedi aimaq basshysy.
Sondai-aq, forýmda Syr óńirinde tanymal isken qyz-kelinshekter: «SPF Montajspetsstroi» JShS bas direktory Raia Ýderbaeva, «Moi doktor» klinikasynyń basshysy Lázzat Ómirzaqova, «Qolóner» etnomádeni ortalyǵynyń quryltaishysy Aida Kerimqulova jáne t.b. baiandama jasady,
Is-shara barysynda belsendi kásipker qyz-kelinshekter oblys ákiminiń alǵys hatymen marapattaldy.
Eske sala ketsek, «Nátijeli jumyspen qamtý men jappai kásipkerlikti damytý» baǵdarlamasynyń aiasynda Syr óńirinde shaǵyn nesielendirýge respýblikalyq biýdjetten 1,9 mlrd.teńge qarastyrylǵan, onyń 1,8 mlrd.teńgesi aýyldyq jerlerde, 89,49 mln.teńge – oblys ortalyǵynda kásipkerlikti damytý maqsatynda. Qarajat «Aýyl sharýashylyqty qarjylai qoldaý qory» AQ men «Agrarlyq nesielik korporatsiia» AQ ornalastyryldy.
Odan bólek, 263,253 mln.teńge mikronesielerdi sýbsidiialandyrý úshin bólindi. Oblystyq biýdjetten osy baǵdarlama aiasynda 1 mlrd.teńge bólinip, qarjy «Qyzylorda» óńirlik investitsiialyq ortalyǵynda ornalastyryldy.
Sondai-aq, oblysta «Bastaý-Biznes» baǵdarlamasy boiynsha 1600 adamdy oqytý josparlanǵan. Sáýir aiynda alǵashqy 327 adam oqýyn bastap ketti. Odan bólek 800 jýyǵy «Biznes-Keńesshi» baǵdarlamasy aiasynda kýrsty bitirip, búgingi kúni 333 adam bilim aldy.
