«Tsifrlandyrý: aimaqtardyń damýy úshin jańa múmkindikter» atty internet-forýmyna Resei, Tatarstan, Belarýs, Ýkraina jáne Qytai sarapshylary men «Huawei», «Dell», «Skolkovo» sekildi tsifrlandyrý salasynyń álemdik jetekshi kompaniialarynyń ókilderi qatysty.
Qyzylorda oblysynyń ákimi Qyrymbek Kósherbaev óziniń alǵy sózinde aqparattyq jáne sandyq tehnologiialardyń qazirgi zamanda mańyzdylyǵyn atap ótti.
«Ózderińiz biletindei, adamzat tórtinshi ónerkásiptik revoliýtsiiaǵa qarai qadam basty. Onyń óz qaǵidalary bar. Onlain men offlain arasyndaǵy shekaralar joiylyp, kiberfizikalyq júielerdiń zamany kele jatyr. Sáikesinshe, osy júiedegi salalardyń qurylymy men memleketterdiń róli ózgerýde. Tsifrlyq tehnologiialar jańa zamannyń «munaiy» atandy. Halyqaralyq sarapshylardyń boljamy boiynsha, 2020 jylǵa qarai álemdik ekonomikanyń 25 paiyzy tsifrlyq formatqa kóshedi», - dedi aimaq basshysy.
Sondai-aq, oblys ákimi túrli salalardy tsifrlandyrý boiynsha óńirde júzege asyrylyp jatqan jobalar týraly aitty.
«2018 jyly tsifrlandyrýǵa oblystyq biýdjetten 2,4 milliard teńge qarastyryldy. Aqyldy basqarý, bilim, densaýlyq saqtaý, turǵyn úi-kommýnaldyq sharýashylyq, kólik, qaýipsizdik jáne biznes salalarynda 50 jýyq joba júzege asyrylýda», - dedi Q.Kósherbaev.
Sondai-aq, forým barysynda Tatarstan Respýblikasynyń Premer-ministriniń orynbasary-Aqparattandyrý jáne bailanys ministri Roman Shaihýtdinov sóz sóilep, onlain-baiandamasynda elektrondyq úkimet pen tsifrlyq ekonomika salasyndaǵy júzege asyrylyp jatqan jobalar týraly aitty. Onyń aitýynsha, búginde Tatarstanda IT-salasyndaǵy 1700 kompaniia men 32 myńǵa jýyq adam jumys isteidi.
Sondai-aq, internet-forýmda «Skolkovo» Máskeý basqarý mektebiniń jetekshi taldaýshysy Ilia Romanovskii «Tsifrlyq transformatsiia: ortany tsifrlandyrýdan aqyldy qalaǵa deiin» taqyrybynda baiandama jasady. Onyń pikirinshe, jaqyn arada 2011 jyldan bastap paida bolǵan «zattar Interneti» uǵymynyń ornyn jańa «barlyǵynyń Interneti» uǵymy basatyn bolady, iaǵni kez kelgen zattar men servister ǵalamtorǵa engizilýi múmkin.
Odan bólek, forýmda Qazaqstandaǵy «Huawei» kompaniiasy korporativtik satý departamenti bas direktorynyń orynbasary Zhao Hongbin, reactor.ua tuǵyrnamasynyń quryltaishysy Evgenii Sarantsov, Uly Petr atyndaǵy Sankt-Peterbýrg politehnikalyq ýniversitetiniń aǵa oqytýshysy Nail Gafýrov jáne t.b. baiandama jasady.
Forým aiasynda birqatar áriptestik týraly memorandýmdarǵa qol qoiyldy. Atap aitqanda, «Astana Hub» Halyqaralyq startap-hab uiymymen IT-jobalardy júzege asyrý týraly, «Kakadý Development» JAQ «Smart city» tehnologiialaryn engizý týraly, sondai-aq, «Bars grýpp» jáne «Transtelekom» kompaniialarymen tsifrlandyrý boiynsha jobalardy júzege asyrý týraly memorandýmdarǵa qol qoiyldy.
Esterińizge sala keteiik, 2016 jyldan bastap Qyzylorda oblysynda jetekshi sarapshylardyń qatysýymen halyqaralyq internet-forýmy ótkizilip keledi. Alǵashqy internet-forýmy elektrondyq saýda jasaý máselelerine, ekinshisi – Baiqońyr qalasyndaǵy kásipkerlikti damytý, al búgingi úshinshi internet-forýmy tsifrlandyrýdyń aimaqtardy damytý úshin múmkindikterine arnalǵan.
