Qyzylorda qalasynda 19 tonna dizeldik janarmai alyp kele jatqan júk kóliginiń tirkemesi aýdarylyp qaldy. Saldarynan 4 tonnasy tógilip, sol aýmaqtaǵy turǵyn úilerge órt qaýpin týyndatty, dep habarlaidy QazAqparat.
Oqiǵa oblys ortalyǵyndaǵy Beibitshilik kóshesi boiynda boldy.
Sol aýmaqta jergilikti seriktestiktiń birine tirkelgen «KaMAZ» júk kóligi aýdarylyp qalǵan.
Bul jóninde tótenshe jaǵdailar salasyna habar túskennen keiin oqiǵa ornyna Órt sóndirý kyzmetiniń № 5 órt sóndirý bóliminiń qyzmetkerleri jumyldyrylǵan.
«Barlaý jumysynyń nátijesinde júk kóliginiń júrgizýshici baskarý júiesine ie bola almai qalǵany anyqtaldy. Saldarynan júk kóliginiń tirkemesindegi 19 tonna dizeldiń 4 tonnasy jerge tógilgen. Tógilgen qatty janǵysh suiyqtyqtyń ústi qummen jabyldy. Órtke ulasý qaýpi joǵary bolǵandyqtan jaqyn úilerdegi turǵyndar kayipciz orynǵa shyǵaryldy. Oǵan qosa órt sóndirý tehnikasy ony aýyzdyqtaýǵa daiyn turdy», - deidi Qyzylorda oblystyq tótenshe jaǵdailar departamenti órt sóndirý jáne avariialyq-qutqarý jumystary qyzmetiniń baspasóz hatshysy Áliia Erejepova.
Bul jóninde qalalyq politsiia basqarmasy tómendegishe túsinikteme berdi.
«Jol-kólik oqiǵasyna bailanysty avtokólik júrgizýshisine QR Ákimshilik quqyq buzý kodeksiniń 610-baby 1-bóligimen ákimshilik hattama rásimdeldi. Adam shyǵyny oryn alǵan joq», - dedi basqarmadan.
