Qyzylordada Astananyń mádeni kúnderi aiasynda Elordanyń tarihyna qatysty kórme, qýyrshaq teatrynyń qoiylymy jáne gala-kontsert uiymdastyryldy.
Qyzylorda oblysyna Astananyń óner qairatkerlerinen quralǵan delegatsiia keldi. Elordanyń mádeni kúnderi aiasynda «Máńgilik bala beine» atty qýyrshaq teatrynyń qoiylymy (avtory R.Muqanova, rejisseri K.Eshmuratova men QR eńbek sińirgen ártisi A.Salaeva, sýretshiler - Sh.Elembaeva, N.Klimenko, L. Qojaqova), «Aq tilekpen Astana!» kórmesi jáne qazaqstandyq estrada juldyzdarynyń qatysýymen gala-kontsert ótti.
Qyzylorda oblysynyń ákimi Qyrymbek Kósherbaev astanalyq qonaqtardy 20 jyldyq mereitoimen quttyqtap, jańa jetistikter tiledi.
«Búginde Astana eń qysqa merzimde salynyp, álemdi súisintken, jahandyq sáýlet ónerindegi birden-bir qaitalanbas «Ǵasyr jobasyna» ainalyp otyr. Biyl - Astana qalasynyń 20 jyldyq merekesi bolsa, Qyzylorda qalasynyń 200 jyldyq mereitoiy. Qazaqstannyń alǵashqy astanasy men búgingi Astanasynyń arasyndaǵy osy bir bailanys kóp nárseni ańǵartsa kerek. Astananyń 20 jyldyq mereitoiyna oblystan syi retinde zymyran - ǵaryshtyq tehnikasy mýzeiiniń ashyq ekspozitsiiasynyń qurylysy Elbasynyń qatysýymen saltanatty túrde ashyldy. Baiqońyr ǵarysh ailaǵy – qazaq halqynyń ǵana emes, búkil adamzattyń maqtanyshyna ainalǵan tarihi keshen»,-dedi aimaq basshysy.
Aita keteiik, biylǵy jyly Syrdariianyń sol jaǵalaýynda Astana ispetti jańa qala salynýda, onyń ishinde 1925 jyly ultqa «qazaq» ataýyn berý týraly tarihi sheshim qabyldanǵan burynǵy QazOAK ǵimaratynyń syzbasyna sáikes qaita jańǵyrtylyp jatqan «Rýhani jańǵyrý» ortalyǵy salyndy.
Astana delegatsiiasy Qyzylorda oblysyna jasaǵan sapar barysynda aimaqtyń tarihi, mádeni, áleýmettik jáne ónerkásiptik nysandaryn aralap kórdi. Qarmaqshy aýdanyndaǵy Qorqyt Ata memorialdyq kesheni, Memlekettik rámizder alleiasy, sol jaǵalaýdaǵy «Rýhani jańǵyrý» ortalyǵy, Kásipkerler palatasy, IT parki jáne t.b kórneki oryndarymen tanysty.
