Biyl shilde aiynda Qyzylordada shyny zaýyty óz jumysyn bastaidy. Bul týraly oblys ákiminiń orynbasary Baqyt Jahanov málim etti, dep habarlaidy "Ult aqparat".
«Shyny zaýyty boiynsha jumystar erekshe baqylaýda. Merdiger kompaniia «Chaina triýmf» mamyr aiynda qurylys-montaj jumystaryn aiaqtaidy. Maýsymda peshti qyzdyryp, shilde aiynan bastap zaýyt iske qosylady, - dedi B. Jahanov Parlament Senatynda.
Ákim orynbasarynyń aitýynsha, zaýyt jylyna 197 myń tonna shyny óndiretin bolady.
«Zaýyt jumysyna 260 adam jumyldyrylady. Jumysqa otandyq mamandardy keńinen tartý úshin óńirden 400 túlek reseilik grantqa ie bolyp, búginde bilim alyp jatyr», - dedi ol.
Óz kezeginde Senat tóraǵasy Dariǵa Nazarbaeva jańadan ashylatyn zaýytta otandyq mamandardyń tartylýyn alǵa tartty.
Aita ketsek, búgin QR Parlamenti Senatynda alǵash ret «Óńirler kúni» jospary aiasynda Qyzylorda oblysynyń áleýmettik-ekonomikalyq damýyna arnalǵan otyrys ótti.
