Biyl jazǵy demalysta Qyzylorda oblysynyń bilim berý mekemelerindegi 1-10 synyptaǵy barlyǵy 136200 oqýshy oblystyq jáne respýblikalyq jazǵy tynyǵý lagerlerinde, sport klýbtary men úiirmelerinde demalady.
Búgin oblys ákimi Qyrymbek Kósherbaev «Syrdariia» lagerine baryp, demalyp jatqan balalarmen kezdesti. Munda 499 jetkinshek jazǵy demalysyn ótkizýde.
Aimaq basshysy balalarǵa jaqsy demalys tilep, syilyqtar tabystady.
«Densaýlyqtaryńdy nyǵaityp, jańa dos tabýǵa jáne jaqsy demalystan keiin qaitadan oqýǵa kirisýlerińizge tilektespin», - dedi aimaq basshysy.
«Syrdariia» lagerinde túrli tanymdyq jáne sporttyq úiirmeler uiymdastyrylǵan, balalar úshin ekskýrsiia ótkizý qarastyrylǵan.
Atap óteiik, 2017-2018 oqý jyly Qyzylorda oblysynda 136 astam oqýshy, nemese jalpy oqýshylar sanynyń 97 paiyzy, jazǵy demalyspen qamtylatyn bolady. Onyń ishinde 9 jazǵy tynyǵý lagerleri 7 aýysymda demalýshylardy qabyldasa, 111200 bala mektep janyndaǵy jazǵy lagerlerge barmaq.
Odan bólek, oqýshylar úshin aimaqtyń kórikti jerlerine ekskýrsiia men túrli sporttyq-tanymdyq sektsiialar jáne úiirmelerdiń jumysy uiymdastyrylady.
