Foto: Polisia.kz
Qyzylorda oblysynda joǵalyp ketken qyzdyń denesi tabyldy, dep habarlaidy "Ult aqparat" Polisia.kz Telegram-arnasyna silteme jasap.
7 tamyzda Qarmaqshy aýdandyq politsiia bólimine Turmaǵanbet aýylynyń turǵynynan 7 jastaǵy qyzynyń joǵalǵandyǵy týraly habarlama túsken. Ákesiniń aitýy boiynsha, onyń qyzy 6 tamyz keshki ýaqytta úiinen shyǵyp ketip, qaita oralmaǵan.
Qyzdyń ata-anasy jáne týystary qyzdy óz kúshterimen tabýǵa tyrysqan. Alaida izdeý jumystary nátije bermegen soń, politsiiaǵa júgingen.
"Habarlama túsken sátten bastap politsiia qyzmetkerleri dereý izdeý jumystaryna kiristi. Joǵalǵan qyzdy izdeýge Qarmaqshy aýdandyq politsiia bóliminiń jeke quramy, TJD, aýdan ákimdiginiń qyzmetkerleri, eriktiler, jalpy 60-tan astam adam jumyldyryldy. Sondai-aq qyzdy tabý maqsatynda eki dron paidalanyldy.
Búgin saǵat 13:00 shamasynda qyzdyń máiiti "Úbis" kanalynan tabyldy. Onyń denesinen zorlyq-zombylyq belgileri baiqalmaidy" - delingen habarlamada.
Aldyn ala málimetterge sáikes, qyz kanaldaǵy sýǵa batyp ketken.
Sotqa deiingi tergep-tekserý áreketteri júrgizilip jatyr, tiisti saraptamalar taǵaiyndaldy.
