Aral aýdanynda Memleket basshysynyń «100 naqty qadam» ult josparyn júzege asyrý maqsatynda «RANNAR» un shyǵarý zaýytynyń jumysy qaita jandandyrylyp, nátijesinde kásiporyn alǵashqy ónimin, iaǵni 500 tonna undy oblys ortalyǵyna jóneltip úlgerdi. Elimizdiń soltústik óńirlerinde ǵana kezdesetin mundai óndiristi osylaisha araldyq kásipkerler de qolǵa alyp otyr.
«RANNAR» JShS negizgi shikizatty Aqtóbe oblysynan tasymaldaidy. Kásiporyn qazir táýligine 140 tonna bidai tartyp, odan 105 tonna un men 35 tonna jem alatyn dárejege jetken. Zaýyt basshylarynyń aitýynsha, oblys tutynýshylarymen aiyna 3 myń tonna un, 1500 tonna jem berý jóninde kelisimshart ta jasaldy.
Kásiporyn direktory Ashat Shúiinsháliev joǵarǵy sapaly un shyǵaratyn zaýyttyń jumysyn ary qarai damytý maqsatynda bolashaqta diversifikatsiialanǵan agrokeshen salý jobasynyń qolǵa alynatynyn aityp otyr. «Eger bul jospar iske asyp jatsa, zaýyttan shyqqan un, makaron ónimderi Qyzylorda oblysyn 100 paiyz qamtamasyz etedi. Sonymen qatar, ónimniń 60 paiyzyn eksporttaýǵa múmkindik týady», - deidi kásipker.
"Ult aqparat"
