ارال اۋدانىندا مەملەكەت باسشىسىنىڭ «100 ناقتى قادام» ۇلت جوسپارىن جٷزەگە اسىرۋ ماقساتىندا «RANNAR» ۇن شىعارۋ زاۋىتىنىڭ جۇمىسى قايتا جانداندىرىلىپ, نەتيجەسٸندە كەسٸپورىن العاشقى ٶنٸمٸن, ياعني 500 توننا ۇندى وبلىس ورتالىعىنا جٶنەلتٸپ ٷلگەردٸ. ەلٸمٸزدٸڭ سولتٷستٸك ٶڭٸرلەرٸندە عانا كەزدەسەتٸن مۇنداي ٶندٸرٸستٸ وسىلايشا ارالدىق كەسٸپكەرلەر دە قولعا الىپ وتىر.
«RANNAR» جشس نەگٸزگٸ شيكٸزاتتى اقتٶبە وبلىسىنان تاسىمالدايدى. كەسٸپورىن قازٸر تەۋلٸگٸنە 140 توننا بيداي تارتىپ, ودان 105 توننا ۇن مەن 35 توننا جەم الاتىن دەرەجەگە جەتكەن. زاۋىت باسشىلارىنىڭ ايتۋىنشا, وبلىس تۇتىنۋشىلارىمەن ايىنا 3 مىڭ توننا ۇن, 1500 توننا جەم بەرۋ جٶنٸندە كەلٸسٸمشارت تا جاسالدى.
كەسٸپورىن ديرەكتورى اسحات شٷيٸنشەليەۆ جوعارعى ساپالى ۇن شىعاراتىن زاۋىتتىڭ جۇمىسىن ارى قاراي دامىتۋ ماقساتىندا بولاشاقتا ديۆەرسيفيكاتسييالانعان اگروكەشەن سالۋ جوباسىنىڭ قولعا الىناتىنىن ايتىپ وتىر. «ەگەر بۇل جوسپار ٸسكە اسىپ جاتسا, زاۋىتتان شىققان ۇن, ماكارون ٶنٸمدەرٸ قىزىلوردا وبلىسىن 100 پايىز قامتاماسىز ەتەدٸ. سونىمەن قاتار, ٶنٸمنٸڭ 60 پايىزىن ەكسپورتتاۋعا مٷمكٸندٸك تۋادى», - دەيدٸ كەسٸپكەر.
"ۇلت اقپارات"
