8 jeltoqsanda Aral aýdany Qamystybas aýylynan 35 shaqyrym jerdegi Qambash kólinde «ÝAZ» markaly avtokólik muz astyna túsip ketti, dep habarlaidy QR TJM baspasóz qyzmeti.
Avtokólik salonynda 7 adam bolǵan. Onyń 3-eýi kólikten ózderi shyǵyp úlgergen. Qutqarýshylar sýǵa batyp ketken 1985, 1981, 1994, 1973 jyly týǵan 4 adamdy izdestirdi. Biraq túngi ýaqytta izdestirý jumystary toqtatyldy. Bul týraly QR TJM resmi ókili Talǵat Ýáli habarlady.
2020 jyldyń 9 jeltoqsanynda tańerteń izdeý jumystary jalǵastyryldy.
7 metr tereńdikte (muzdyń qalyńdyǵy 25 sm) ÝAZ avtokóligi tabyldy. Avtokóliktiń ishinde qaitys bolǵan adamdardyń deneleri bar. Saǵat 10.05-te qutqarýshylar qaza tapqan 4 adamnyń máiitin politsiia qyzmetkerlerine tapsyrdy.
Izdestirý jumystaryna Qyzylorda oblysy TJ departamentiniń, Politsiia departamentiniń, jergilikti atqarýshy organdardyń kúshteri men quraldary jáne týystary (27 adam, 7 birlik tehnika) jumyldyryldy.
