Qyzylorda oblysynda COVID-19 virýsyn juqtyrǵan júkti áiel aman-esen bosandy, dep habarlaidy "Ult aqparat".
Bul týraly QR Densaýlyq saqtaý vitse-ministri Lzzat Aqtaeva óziniń Facebook paraqshasynda jazdy.
Vitse-minstrdiń aitýynsha, júkti áiel 2020 jyldyń 8 sáýri kúni kelip túsken. Onyń bosanatyn ýaqyty jetken jáne oǵan jedel-respiratorly virýsty infektsiia diagnozy qoiylǵan. Onyń densaýlyǵyn baqylaý barysynda dene qyzýy 38,1 gradýsqa deiin kóterilgen.
COVID-19 virýsyna tekserý júrgizilgen soń, onyń naýqas ekeni anyqtaldy. Áiel balasyn aman-esen bosandy.
Náresteniń salmaǵy 2970,0 gr, boiy 51 sm. balanyń densaýlyq jaǵdaiy qanaǵattanarlyq. Náresteden de COVID-19 virýsyna analiz alyndy. Áieldi COVID-19 virýsynan tolyq emdep shyǵarý úshin ol infektsiialyq statsionarǵa jatqyzyldy. Kezekshi brigada músheleri meditsinalyq kómek kórsetý kezinde kúsheitilgen qorǵanysh quraldaryn paidalandy. Kezekshilikten soń olar birden úidegi karantinge jatqyzyldy.
«Olar - óz isin adal atqaryp júrgen bizdiń zamanymyzdyń batyrlary, Qyzylorda oblystyq perinataldyq ortalyǵynyń kezekshiler brigadasy:
Aqbota Qońqabaeva, akýsher – ginekolog
Áigerim Eńsepbaeva - akýsher
Merýert Aqqaiyrova – neanatolog
Aigúl Turǵanbaeva – balalar dárigeri», - dep jazdy vitse-ministr.
