©Sputnik / Elena Berejnaia
9 tamyzda Qyzylorda oblysynyń Jalaǵash aýdanynda mal izdeýge ketip, iz-tússiz joǵalǵan er adamnyń denesi arnadan tabyldy, dep jazady Sputnik Qazaqstan.
Kýágerler ony sońǵy ret beisenbi kúni sol mańnan 15 shaqyrym jerde kórgen.
"Búgin Jalaǵash aýdanynda tańerteń saǵat 08.10-da 1950 jyly týǵan azamatty izdeý bastaldy. Ol 9-y kúni Jalaǵash aýdanyndaǵy sharýashylyqtan shyǵyp, qaityp oralmaǵan", - dep habarlady Qyzylorda oblysynyń tótenshe jaǵdailar departamenti.
Izdeý jumystary Mádeniet aýylynan tórt shaqyrym jerde bastaldy. Oǵan kásibi qutqarýshylardan bólek, 10 tehnika men 100-ge jýyq jergilikti turǵyn, politsiia, kinologiialyq bólim, joǵalǵan adamnyń týystary qatysqan.
"Saǵat 10.05-te 15 shaqyrym jerdegi sýarý kanalynan turǵynnyń denesi tabylyp, sýdan shyǵaryldy", - deidi tótenshe jaǵdailar departamenti.
Qaiǵyly oqiǵanyń sebebi anyqtalyp jatyr.
