Qyzylorda oblysynda aýdan ákimdiginiń apparat basshysy laýazymyn kózdegen qyzylordalyqtan 3 mln teńgesin aldap alǵan kúdiktige sot úkimi shyqty, dep habarlaidy "Ult aqparat".
Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Begaidarov ANTIKOR News aqparat alańynda aitty.
«A.I.Syzdyqov Qyzylorda oblysynyń turǵynynan jalpy somasy 3 mln teńge aldap alǵan. Bul aqshany ol Shieli aýdany ákimine para retinde «berip», qarajat iesin aýdan ákimdiginiń apparat basshysy etip taǵaiyndaýǵa qamqorlyq jasaimyn dep sendirgen», - deidi agenttik ókili.
Sot protsesinde kinási dáleldengen kúdikti 6 jylǵa bas bostandyǵynan aiyryldy.
Taǵy bir is boiynsha, Aqtaý qalalyq soty Aqtaý qalasy Memlekettik kirister basqarmasynyń janama salyqtardy ákimshilendirý bóliminiń basshysyn ómir boiy memlekettik qyzmet atqarý quqyǵynan aiyryp, 30 mln teńge mólsherinde aiyppul saldy.
Daniiar Begaidarovtyń aitýynsha, ol jaýapkershiligi shekteýli seriktestik direktorynan shotyna qoiylǵa buǵatty alyp tastaǵany úshin 2 mln teńge somasynda para alǵan.
