قىزىلوردا وبلىسىندا اۋدان ەكٸمدٸگٸنٸڭ اپپارات باسشىسى لاۋازىمىن كٶزدەگەن قىزىلوردالىقتان 3 ملن تەڭگەسٸن الداپ العان كٷدٸكتٸگە سوت ٷكٸمٸ شىقتى, دەپ حابارلايدى "ۇلت اقپارات".
بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەگايداروۆ ANTIKOR News اقپارات الاڭىندا ايتتى.
«ا.ي.سىزدىقوۆ قىزىلوردا وبلىسىنىڭ تۇرعىنىنان جالپى سوماسى 3 ملن تەڭگە الداپ العان. بۇل اقشانى ول شيەلٸ اۋدانى ەكٸمٸنە پارا رەتٸندە «بەرٸپ», قاراجات يەسٸن اۋدان ەكٸمدٸگٸنٸڭ اپپارات باسشىسى ەتٸپ تاعايىنداۋعا قامقورلىق جاسايمىن دەپ سەندٸرگەن», - دەيدٸ اگەنتتٸك ٶكٸلٸ.
سوت پروتسەسٸندە كٸنەسٸ دەلەلدەنگەن كٷدٸكتٸ 6 جىلعا باس بوستاندىعىنان ايىرىلدى.
تاعى بٸر ٸس بويىنشا, اقتاۋ قالالىق سوتى اقتاۋ قالاسى مەملەكەتتٸك كٸرٸستەر باسقارماسىنىڭ جاناما سالىقتاردى ەكٸمشٸلەندٸرۋ بٶلٸمٸنٸڭ باسشىسىن ٶمٸر بويى مەملەكەتتٸك قىزمەت اتقارۋ قۇقىعىنان ايىرىپ, 30 ملن تەڭگە مٶلشەرٸندە ايىپپۇل سالدى.
دانييار بەگايداروۆتىڭ ايتۋىنشا, ول جاۋاپكەرشٸلٸگٸ شەكتەۋلٸ سەرٸكتەستٸك ديرەكتورىنان شوتىنا قويىلعا بۇعاتتى الىپ تاستاعانى ٷشٸن 2 ملن تەڭگە سوماسىندا پارا العان.
