Qyzylorda oblysyna Túrkiiadan gýmanitarlyq kómek kelip jetti, dep habarlaidy "Ult aqparat".
Túrkiiadan Qazaqstanǵa gýmanitarlyq kómek pen 30 ókpeni jasandy jeldetý apparaty (IVL) jetkizilgen bolatyn. Onyń ishinde apparattyń 10-y Qyzylorda oblysyna berildi. Apparattyń 3-ýi oblystyq ftiziopýlmonologiia ortalyǵyna berildi. Al qalǵan 7-ýi óńirdegi ózge aýrýhanalarǵa jetkiziledi.
Aita ketý kerek, Túrkiia úkimetimen birge qazaq qaýymdastyǵynyń ókilderi de elimizge qoldaý kórsetýde.
Oblys ákimi Gúlshara Ábdiqalyqova Tasbóget kentinde ornalasqan oblystyq ftiziopýlmonologiia ortalyǵyna bardy. Emdeý ornyna Túrkiiadan kelgen ókpeni jasandy jeldetý (IVL) apparattaryn tabystady.
Joǵaryda atalǵan ortalyqta 120 oryndyq infektsiialyq statsionar uiymdastyrylǵan. Onyń ishinde 6 tósek jansaqtaý bólimi bolyp ashylǵan. Búgingi tańda statsionarda 111 naýqas em alýda, onyń 4 jansaqtaý bóliminde. Taǵy 9 azamat oblystyq kópbeiindi jáne qalalyq aýrýhanadan aýystyrylatyn bolady.
Aita ketý kerek, «Vi-group» qurylys kompaniiasy 10 ottegi kontsentratyn ftiziopýlmonologiia ortalyǵyna syiǵa tartqan.
