16 shildeden bastap aptasyna 4 ret (dúisenbi, sársenbi, juma, senbi kúnderi) «Máskeý-Qyzylorda-Máskeý» jańa áýe baǵyty óz jumysyn bastaidy. Áýe tasymaly «Aeroflot» kompaniiasynyń A-320/321 «Eirbas», «Boeing-737» ushaǵy arqyly júrgiziledi.
Sonymen qatar, «Baiqońyr-Qyzylorda (áýejai)» transferi daiyndalady.
«Biylǵy jyldyń mamyr aiynda «Qorqyt ata» áýejaiynyń qyzmetkerleri «Aviatsiialyq aeroflot mektebiniń» mamandarynan arnaiy oqýdan ótip, A320/321 áýe kemesiniń tehnikalyq qyzmet kórsetý daiarlyǵyn tekserýden ótkizdi.
Sonymen qatar, Qyzylorda oblysy Jolaýshylar kóligi jáne avtomobil joldary basqarmasy Baiqońyr qalasynyń ákimshiligimen áýe baǵytynyń jumysyn jandandyrý maqsatynda áýejaiǵa baratyn avtobýstar máselesi týraly jumystardy atqardy. «Aeroflot» kompaniiasy arqyly ushý basqa áýe kompaniialarymen salystyrǵanda birshama arzan», - dedi oblys ákiminiń orynbasary Serik Súleimenov.
Aita keteiik, búgingi kúni alǵashqy reiske bilettiń kóp bóligi satylǵan.
Keste boiynsha ushaqtyń kelý ýaqyty – 06:10, ushý ýaqyty jergilikti ýaqytpen – 07:20. Satyp alǵan ýaqytyna qarai biznes-klass biletteriniń baǵasy – 167 000-nan bastalsa, ekonom-klass biletteri 26000-nan bastalady.
