Asylbek Shámenov Qyzylorda qalasynyń ákimi bolyp taǵaiyndaldy. Oblys basshysy Nurlybek Nálibaev aktiv otyrysynda qalanyń jańa ákimin tanystyrdy, - dep habarlaidy "Ult aqparat".
"Oblys ákiminiń ókimi boiynsha Qazaqstan Respýblikasy Prezidenti Ákimshiligi jáne Qyzylorda qalalyq máslihattyń kelisimi boiynsha Qyzylorda qalasynyń ákimi laýazymyna Asylbek Shámenov taǵaiyndaldy", - delingen habarlamada.
Asylbek Ómirbekuly 1978 jyly Jalaǵash aýdanynda dúniege kelgen. Abai atyndaǵy Almaty memlekettik ýniversitetin «Halyqaralyq týrizm», Qorqyt Ata atyndaǵy Qyzylorda memlekettik ýniversitetin «Munai-gaz ken oryndaryn igerý» jáne «Qurylys» mamandyqtary boiynsha bitirgen.
Eńbek jolyn 1999 jyly «Qyzylorda integratsiia» kompaniiasynyń menedjeri retinde bastaǵan.
2007-2012 jyldary oblystyq memlekettik sáýlet-qurylys baqylaý jáne energetika jáne turǵyn úi-kommýnaldyq sharýashylyq basqarmalarynda jaýapty qyzmetter atqarǵan.
2012-2018 jyldary Qyzylorda oblysynyń energetika jáne turǵyn úi-kommýnaldyq sharýashylyq basqarmasy basshysynyń orynbasary, Qyzylorda qalasy ákiminiń orynbasary, 2018 jyldyń mamyr aiynan bastap osy kezge deiin Qyzylorda oblysynyń jumyldyrý daiyndyǵy basqarmasynyń basshysy laýazymyn atqaryp keldi. 2020 jyldyń naýryz aiynan Jalaǵash aýdany ákimi qyzmetinde boldy.
Buǵan deiin qala ákimi qyzmetin atqarǵan Ǵanibek Qazantaevtyń óz ótinishine sáikes Qyzylorda qalasynyń ákimi laýazymynan bosatyldy.
