Qyzylorda qalasynyń birqatar aýmaǵynda aqaýlyqqa bailanysty elektr energiiasyn berý ýaqytsha shekteldi, dep habarlaidy QazAqparat.
Bul jóninde Qyzylorda qalasynyń ákimdigi málim etti.
Elektr jaryǵyn ýaqytsha óshirý KEGOK AQ mekemesiniń menshigindegi 220kV áýe jelisiniń boiynda aqaý týyndaýyna bailanysty qabyldanyp otyr. Shekteý búgin jergilikti ýaqytpen 11.00-de bastaldy.
«Osyǵan bailanysty qala ortalyǵy, Tasbóget, Belkól kentteri jáne Aqsýat aýyldyq okrýginde elektr jaryǵy ýaqytsha óshirildi. Osyǵan orai aýyz sý berý ýaqytsha toqtatyldy. Qazirgi tańda qalpyna keltirý jumystary júrgizilýde», - dep málim etti Qyzylorda qalasynyń ákimdiginen.
