Sońǵy úsh jyl ishinde Qyzylorda qalasynda 11 yqsham aýdan boi kótergen. Bul týraly Qyzylorda oblysynyń ákimi Qyrymbek Kósherbaev Ortalyq kommýnikatsiialar qyzmetinde ótken beiresmi kezdesýde aitty.
«2013 jyly paidalanýǵa berilgen turǵyn úiler 270 myń kvadrattan aspaǵan. Al, qazir ol 540 myń kvadrat metrden asyp, 2013 jylmen salystyrǵanda eki esege ósken. Sońǵy úsh jylda oblys ortalyǵynda 11 yqsham aýdan boi kóterdi. Jeke úi salýǵa arnalǵan jer bólýde keń kólemde júrdi».
Óz sózinde oblys ákimi aimaqtaǵy qurylys qarqynynyń ósýi 20 myń adamdy jumyspen qamtyp, jumyssyzdar sanyn 4,9% da ustap turýǵa múmkindik berip otyrǵanyn atap ótti.
Qyrymbek Kósherbaevtyń aitýynsha, oblys boiynsha naryqqa qajetti, suranysqa ie mamandardy daialaý isi aýyl-aýdan kóleminde qolǵa alynyp, júieli jumys istelip jatyr.
"Ult aqparat"
